السبت، 16 يناير 2010

عن العشق والهوى


اول شي بحب احكي السلام عليكم ورحمة الله بركاته ....

تاني شي ولاني بحافظ دايما على ستايلي بحب احكي هاااااااااااي لكل الناس الي بتحبني والي ما بتحبني ولكل الناس الي بتقرا وبتفوت على مدونتي ولكل الناس الي لسا رح تقرا وتفوت بعدين !! خبصة مو هيك ؟

المهم ... عارف عارف عارف ... انا حيوان وكلب ومقصر بحق المدونة وخربت كل النجاح الي عملتو بانقطاعي الدائم عنكم ...

بصراحة ما بعرف ... كتير بخاف من هالمدونة ... بكره السبب الي عملتو مشانها ومشان هيك يمكن كرهتها ... انا عملت المدونة بعد اسبوعين بس من انفصالي عن فضل الي حكيتلكم عنو قبل هيك بالقصص وكانت زي كانها وسيلة انسى فيها واغمس وقتي فيها ويمكن مشان هيك بطلت كتير مهتم فيها ويمكن لانو كمان خسرت كتير من اصحابي بسبب قراري وتوقفي عن نشر القصص لاعتبارات دينية لن اتنازل عنها ان شا الله ....


بالنسبة للبوست هاد فهوه تقريبا اول بوست باللغة العامية بكتبه .رح دايما ان شا الله اكتب بالعامية لما يكون البوست عن اخباري يعني مشان ما يكون الموضوع فورمال ...

لازم اشير بالبداية انو فكرة اني اصير اكتب اخباري اول باول طلعت براسي بعد ما تصفحت مدونة عمر ( مراهق مثلي ) ... ومشان هيك بدي اشكره انو اوحالي بالفكرة ... وتاني سبب انو حابب اصير اكتب اخباري كل ما اقدر انو اكون قريب منكم وتبطلوا زعلانين مني لاني مطنش المدونة شويتين ....

اما بالنسبة لاسم البوست بعرف انو كتير غريب ويمكن انتو بتسالو نفسكم هل في حب جديد بحياتي ؟؟

رح اجاوب عالسؤال بس بطريقتين :

اول شي اسم البوست ما بعرف ما الو دخل بالمحتوى لكن ما بعرف ليه لما قررت اكتب هالبوست عطول طلع براسي ( احمد السقا ) وتزكرت فلم ( عن العشق والهوى ) الي انا بعتبرو افضل فلم سينمائي رومانسي عربي ... بتزكر لما حضرتو بال 2006 ... كتير عجبني ... كنت لحالي بالسينما وباكل بوب كورن وبعيط ... وطبعا كنت غيران من كل البنات والولاد الي بالسينما لانو كان ملزقين ببعض وانا يا حسرة ما كان حدا جنبي .. آآآآآآآآآآآآآآآه ايام !!

المهم ما بعرف مين منكم شاف الفلم بس اكتر مشهد كان مؤثر بالنسبة لالي المشهد الي لما ( احمد السقا ) بياخد ( منة شلبي ) والي هي كان يحبها على مرتو ( بشرى ) على مطعم ... ببلشو يحكو وبعترف احمد السقا لمنة شلبي انو بحبها واول ما بقولها كلمة بحبك بسمع صوت غنا ... بقوم بلف وجهو بلاقي ( منى زكي ) عم بتغني بالمطعم الي هو قاعد فيه .. وشو الاغنية ؟ كان اسمو حبيبي ....

يمكن مبين انو المشهد كتير عربي وبايخ لكن بجد بالفلم ولو انتو حضرتو الفلم رح تعرفو انو بجد من اكتر المشاهد روعة ....



تاني شي ، هل في حب بحياتي ؟

حب لسا ما صار ... بس يمكن في حدا جديد ... ما في تفاصيل حتى لو نفسكم تعرفوها بس الي بدي احكيه انو اكيد اكيد اكيد في تعلق ... والاشي الاكيد التاني انو انا لسا ما تنازلت عن مبدأي ولسا مضرب عن الجنس وعن الحب الزائل ... لكن انا وهالشخص ان شا الله لو حصل بينا حب اكيد حيكون حب في الله وباتفاق منا التنين ....

هل رح نكشف الوراق او لا ؟

ما بعرف ... يمكن اه ويمكن لا ...

بالنسبة الي الموضوع متوقف على شغلتين : اول وحدة انو جد ما بعرف شو رح يصير ... يعني لازم الوقت يمر مشان اعرف شو رح يصير بينا وهل رح يكون في شي يستاهل انو اعلن عنو او لا ... وتاني ( باشتان ) عقولة السوريين انو لازم احترم خصوصيتو واشوف رأيو يمكن هوه حابب يخلي الموضوع سر ...


اوكي شو كمان ؟؟؟ مممممم ... اه قبل كم يوم قدمت امتحان الطب الشرعي والسموم والحمدلله كتييييييير زبطت بالامتحان مع انو بيني وبينكم ما كنت دارس كويس او كنت دارس بس ما لحقت اراجع وطبعا بكلية الطب الي ما براجع زي كأنو ما عمل شي ....


شو كمان بدي اقولكم ؟ شو كمان بدي اقولكم ؟

ممممممممم .... اه انا مسافر دبي كمان 9 ايام ورح اقعد هونيك 3 اسابيع ... طبعا رح تكون اول مرة بزور دبي فيها مشان هيك يمكن ما اكون فاضي ادخل عالمدونة وهادا بالغالب الي رح يصير مشان هيك رح احاول ان شا الله دايما الفترة الجاي افوت واكتب بالمدونة او عالاقل ارد عتليقاتكم ازا في حدا عبرني ....


اخيرا ولس اخيرا وبعرف انو زهقتو مني-. ( طبعا بقول هيك مشان بمخكم تقولوا انو نو ويه نزهق منك يا تمور لانو انت عسل وما بينزهق منك ) - الامور مستقرة نوعا ما ... حياتي عم تتغير وسنة ال 2010 شكلها رح تكون خير علي ان شا الله لحد هلأ .... بليز ادعولي وخلوني بقلبكم زي ما انتو كلكم بقلبي ....


هادا البوست مُهدى لــ : مودي ، ابن دبي ، غريب ، الكس ، خالد السعودي ، عمر الفلسطيني ، علي علوشي ، مين كمان ؟ خايف اكون نسيت حدا ... خلص سوري جد مش متزكر ... بهديه لكل الناس الي بتحبني وحبتني ...


صحيح قبل ما انسى : رح اغير كتير اشيا بالمدونة قريبا .. يعني الشكل والالوان ... اليوم غيرت اسم المدونة وطبعا حتى لو غيرت الاسم فانا لساتني شاب مثلي يحب الله .... شو رايكم بالاسم الجديد ؟ عجبكم ؟ طيب اخليه هلوسات حالم بس ولا زي ما هو هلأ ؟ بليز خبروني رايكم ...


محبكم دوما

تامر

الاثنين، 11 يناير 2010

ردّ قلبي


كنت نائما حينما مرت ذكراه و سرق قلبي ...

و كنت أغفو على وسادتي لأفكر فيه و أحس به في كل جزء من أوصالي المحمومة بعد حديثي معه ...

كنت أسمع تهيئات صوته الذي لم اسمعه في كل آهة و زفرة من زفراتي !

سرق قلبي ليصبح خاليا من المشاعر والأحاسيس التي سافرت إليه في ثوان و كانت قد رأته من البعيد فحملت معها رحيق الأزهار و القبلات إليه ...

أتاني من السحاب ... و أشرع من خلف المحيط يقصدني و يقصد قلبي تحديدا .. قطع الرحلة و أتى مسرعا متلهفا و تسلل إلى قلبي كالسارق المحترف و سرق قلبي ... نعم لقد سرقه .

دار الكون , البيت تلو البيت لكنه لم يختر غير بيتي , أشرع بالقوارب و المحيطات لكنه لم يختر غير قاربي و محيطي . و عرف قلوب أهل الدنيا بلا استثناء لكنه لم يسرق غير قلبي .

يا سارق الأحاسيس .... ردّ قلبي ...

يا سارق القلوب ..... ردّ قلبي ...

يا بسمة العيد و يا فجرا أطل من البعيد , و يا وردة طاف عبيرها المحيط تلو المحيط ...

أعده .. أعده إلى مكانه , و ردّ قلبي ....